ስርዓተ ተክሊል ካልእ ኣብ ህይወት ክርስትያን ዓብይ ቦታ ዝሕዝ ክስተት እዩ። ምስጢር ተክሊል ካብቶም ሸውዓተ ምሥጢራት ቤተ ክርስቲያን ሓደ እዩ። መርዓ ተክሊል ኣፍቲ ጸጋ መንፈስ ቅዱስ ዝረከበሉ ቤተ ክርስቲያን ይፍጸም። ቅዱስ ሓዳር ኣብ መጽሓፍ ቅዱስ ዝተመርኮሰ እዩ። (ዘፍ 1፡27,28, 2፡18፡ ማቴ 19፡4-6)። ቀኖና ቤተ ክርስቲያን ቅድሚ መርዓ ክማልኡ ዝግብኦም ቅድመ ኩነት ይዝርዝር። እዚኦም ድማ ክማላኡ ኣለዎም። መጻምድቲ ብዛዕባ እዚ ኩነታት እዚ ብካህኖም ክምሃሩን ኩሉ ቅድመ ኩነታት ከማልኡን ኣለዎም። ተመርዓውቲ ወይ ደማ ወለዶም ኣብ ቤተክርስትያንና ብተክሊል ክምርዐው እንተወጢኖም ዘን ዝሰዕባ ቅደም ስዓብ ይኽተሉ፡

• 1ይ ደረጃ - መዓልቲ ስርዓተ ተክሊል ምስ ኣመሓዳሪ ቤተ ክርስቲያንን ኣባ ገብረዋህድ ገብረክስርቶስ ይውስኑ።
• 2ይ ደረጃ - ቅጥዒ ስርዓተ ተክሊል ይምልኡ ።
• 3ይ ደረጃ - ናይ ስርዓተ ተክሊል መባእ ይሃቡ።
• 4ይ ደረጃ - ወረቐት ምስክር ስርዓተ ተክሊል ካብ ቤት ጽሕፈት ሰበኻ ጉባኤ ይውሰዱ

ቤት ትምህርቲ ሰንበት ፈለገ ሕይወት ቤተ ክርስቲያን ቤተ መካነ ሕይወት መድኃኔ ዓለም ንህጻናት ብዛዕባ ወንጌልን ሃይማኖታዊ ትምህርትን ካብ ዝምህር ዓሰርተታት ዓመታት ኣቑጺሩ ኣሎ። ዳግመ ምምሕያሽን ስርዓተ ትምህርቲ ብምግባረ ነቲ ሕዚ ዘሎ ትምሀርቲ ንምምሕያሽ ይፍተን ኣሎ ። ኩለመዳያዊ ስርዓተ ትምህርቲ ኣብ ምምዕባል ይርከብ። እቲ ሓድሽ መዋቕር ክልተ ቀንዲ ሰሚስተራት፡ ጽድያን ሓጋይን ከምኡ’ውን ሓደ ተወሳኺ ናይ ክረምቲ ሰሚስተር ክህልዎ እዩ። ጽድያን ሓጋይን ቀንዲ ሰሚስተራት ሃይማኖታዊ ትምህርቲ ክኾኑ እዮም። እቲ ናይ ክረምቲ ሰሚስተር ድማ ንመጽናዕቲ ቋንቋ፡ ናይ ክረምቲ ካምፕ: ባህልን ቅርስታትን፡ ከምኡ’ውን ነቶም ኣብ ጽድያ ወይ ጽድያን ሰሚስተር/ታት ሃይማኖታዊ ትምህርቲ ዝሓለፎም ተማሃሮ መምሀሪ ክኸውን እዩ። ናይ ጽድያን ሓጋይን ሰሚስተር 17 ሰሙን ዝወስድን ምስ ናይ ቤት ትምህርቲ ኣቆጻጽራ ዝሰማማዕን ናይ ክረምቲ ሰሚስተር ግን በቲ ናይ ስሩአ ኣቆጻጽራ ዕለትን ካልኦት ናይ ተጋሩ ናይ ክረምቲ ፍጻመታትን ካብ 10- 14 ሰሙን ክኸውን እዩ። ንተማሃሮ ትምህርቲ ሰንበት ምአንቲ ክጥዕም ተማሃሮ ኣብ ሰለስተ ደረጃታት ክምደቡ እዮም፡ ጀመርቲ፡ ማእከላይ ደረጃን ምዕቡላትን። ኣብ ደረጃ ጀመርቲ ዝተጠርነፉ ተማሃሮ ካብ 1ይ ክፍሊ (ዕድመ 7 ወይ 8) ክሳብ 5ይ ክፍሊ ዝመሃሩ ተማሃሮ መባእታ እዮም።ኣብ ማእከላይን ምዕቡልን ደረጃታት ዝተጠርነፉ ተማሃሮ ብቕደም ተኸተል ተማሃሮ ማእከላይን ካልኣይ ደረጃን ክኾኑ እዮም። ኣብ እዋን ጽድያን ሓጋይን ሰሚስተራት ትኹረት ዝዋሓበሎም ኣብቲ ዋና ናይ ቤት ትምህርቲ ሰንበት መምሀሪ ዝተለለዩ 6 ምዕራፋት እዚኣተን እየን።

• ትምህርተ ሃይማኖት
• መጽናዕቲ መጽሓፍ ቅዱስ
• ስርዓተ ቤተክርስቲያን
• ታሪኽ ቤተ ክርስቲያን
• ክብረ ቅዱሳን፣ ከምኡውን...
• ናይ ክርስቲያና ሀይወት

ንተማሃሮ ኮሌጅን ተመረቕቲ ተጋሩ መናእሰይን ዝኸውን ፅሟቕ ሃይማኖታዊ ትምህርቲ ክዳሎ እዩ። ደቅና ናብ ገዝኦም ዝኾነት ቤተክርስትያን ንምምላስ ፍሉይ ጻዕሪ ክግበር እዩ። መጺኦም ሃይማኖቶምን ባህሎምን ክመሃሩ ጥራይ ዘይኮነስ፡ ንአሓቶምን ኣሕዋቶምን ተጋሩ ቆልዑ ዓበይቲ ሃፍትን መምህራንን ክኾኑ እዮም።